لا تخليني بواسطة : Unknown | في : 5:51 ص

لا تخليني - للشاعر صادق سويد

يا بويا لا تخليني .. بعدك يتيمة سنيني  .. و الدمعة ذبحت عيني

دمعة رقية أشما جرت .. بين الألم ما تهدأ
بالغربة وحدي وأنتظر .. صعبة إنتظار الوحدة
أحلم في حضنك أرتمي .. ظلك عليا تمده
و آني على عطفك بالعمر .. يا والدي متعوده

دورتك و ما شفتك .. مثل الندا تخيلتك .. عطشان أروي بنيتك

يا بويا لا تخليني .. بعدك يتيمة سنيني  .. و الدمعة ذبحت عيني

نار الخيم من تشتعل .. يمكن أصابر و أنسى
و على اليتم مالي صبر .. و الدنيا بيا تقسى
مثل الفجر قلبي أستوى .. محروم يعاين شمسه
يا ريتك تشوف الألم .. لو يا عزيزي تحسه

زادت عليّا همومي ... أحسب ضياع نجومي .. بس ما إجتك علومي

يا بويا لا تخليني .. بعدك يتيمة سنيني .. و الدمعة ذبحت عيني

الطفلة بوجود الأبو .. تعيش بأمان و رحمة
من يبتسم تنسى التعب .. هو اللي بنته تهمه
و آني فقدته بدنيتي .. بس رأسه روحي تضمه
من شفته في وسط الطشت .. صارت حياتي ظلمة

درب السبى يروعني .. إلمن ترى يضيعني .. هم الفقد يفجعني

يا بويا لا تخليني .. بعدك يتيمة سنيني .. و الدمعة ذبحت عيني

وردة و حرمني هالدهر .. أتروى من أنفاسه
رحت و نهش عمري الفقر .. خليت إلي بس رأسه
جنة و بعد ماي و هوا .. ظل بيا يحفر فاسه
حس بيا تعبني الهجر .. يمكن يفيض إحساسه

لا ظروفه يم عينك .. يالغالي ربي يعينك .. جاوبها عنك وينك

يا بويا لا تخليني .. بعدك يتيمة سنيني .. و الدمعة ذبحت عيني